Алсын хараа: Нутгийн өөрийн удирдлагын тэргүүлэх байгууллага болох
Тус салбар комисс нь ажлаа улирлын хуваарьтайгаар жилээр төлөвлөж оны эхэнд комиссын хурлаараа хэлэлцэн баталж, төлөвлөгөө, хариуцсан ажлын чиглэлээр комиссын гишүүдээ мэдээллээр хангаж, комиссын хурлаа шаардлагатай үед хуралдуулж холбогдох асуудлыг шийдвэрлэж ажиллаж байна.
Цагаатгалын асуудлаар иргэдийг цаг харгалзахгүйгээр хүлээн авч, өргөдөл хүсэлтийг нь холбогдох байгууллагад уламжлан шийдвэрлүүлэх, нөхөн олговрын материал бүрдүүлэхэд нь дэмжлэг үзүүлэхийн зэрэгцээгээр цагаатгалын асуудлаар гарсан хууль тогтоомжоор эрх зүйн зөвлөгөө туслалцааг тогтмол үзүүлж байна.
Цагаатгалын нөхөн олговрын материал бүрдүүлж буй иргэдэд дэмжлэг туслалцаа үзүүлэх ажлыг Аймгийн Тагнуулын газар, аймгийн сум дундын шүүх, аймгийн Прокурор, Аймгийн архив, аймгийн Засаг даргын Тамгын газар зэрэг байгууллагуудтай хамтран зохион байгуулж байгаагийн зэрэгцээ Тагнуулын ерөнхий газрын тусгай архив, Үндэсний архивын газар, Улсын дээд шүүх, аймгуудын Цагаатгах ажлыг удирдан зохион байгуулах салбар комисс, зарим аймгийн архив, шүүхийн архивуудтай харьцаж холбогдох лавлагаа мэдээллийг авч иргэдэд үйлчилж байна.
1990-ээд оны эхнээс тус комисс нь үйл ажиллагаандаа Монгол Улсын Ерөнхийлөгчийн 56 дугаар зарлиг, Ардын Их Хурлын Тэргүүлэгчдийн 69, 119, 191 дүгээр зарлиг, тогтоол болон бусад хууль тогтоомжийг хэрэгжүүлэх ажлыг зохих ёсоор хэрэгжүүлж ирсэн юм. 1998 оноос “Улс төрийн талаар хэлмэгдэгсдийг цагаатгах, тэдэнд нөхөх олговор олгох тухай” Монгол улсын хуулийг хэрэгжүүлж ажилласаар ирлээ. 1998 оноос Аймгийн хэмжээнд Цагаатгалын нөхөн олговор олгох ажлыг зохион байгуулж аймгийн хэмжээнд нийт 307 хүнд 277.5 сая төгрөгийн нөхөн олговор олгожээ. Салбар комиссын санаачилга, идэвхтэй оролцоотойгоор Эрдэнэт хотын төвд энэ нутгийн уугуул Монгол улсын Ерөнхий сайд агсан Улс төрийн хилс хэрэгт хэлмэгдсэн Анандын Амарын дурсгалын хөшөөг байгуулж тэр орчмын талбайг А.Амарын нэрэмжит талбай болгосон бөгөөд жил бүрийн 9 дүгээр сарын 10-нд явагддаг улс төрийн талаар хэлмэгдэгсдийн дурсгалыг хүндэтгэх хүндэтгэлийн цуглааныг уламжлал болгон энэ талбай дээр явуулж байсан бөгөөд 2014 онд А.Амарын хөшөөг Нутгийн удирдлагын ордны дэргэд Найрамдал талбайд нүүлгэн шилжүүлж, А.Амарын гудамж гэж нэрлэх болж уламжлалт үйл ажиллагаануудыг хэвийн явуулж ирлээ.
Мэдээлэл технологийн эрин зуунд хөл нийлүүлэн алхаж буй мэдлэгтэй, мэдээлэлтэй, үнэт зүйлтэй, хөгжих тэмүүлэлтэй ЭРДЭНЭТ хотын иргэн таньд энэ өдрийн мэндийг хүргэе!
Орхон аймгийн эдийн засаг, нийгмийн асуудлыг бие даан зохион байгуулах ардчилсан, шударга ёс, эрх чөлөө, тэгш байдлийн илэрхийлэл болсон аймгийн иргэдийн Төлөөлөгчдийн хурал, түүний веб сайтаар зочилж өөрт хэрэгтэй мэдээ, мэдээллээ цаг алдалгүй авна гэдэгт бид итгэлтэй байна. Иргэд та бүгдийг төрд төлөөлөх Төлөөлөгчдийн үйл ажиллагаа, орон нутагт хэрэгжих төсөл хөтөлбөр, бүтээн байгуулалтанд иргэн таны үзэл бодол, санал шүүмжлэл үнэтэй хувь нэмэр оруулна гэдэгт итгэлтэй байна.
Улс орны хөгжлийн түүчээ, сайн засаглалын загвар ЭРДЭНЭТ хотын түүхэн замналыг амжилт, ололтоор үргэлжлүүлэх, ирэх он жилүүдийн өнгийг тодорхойлох үйлсэд миний бие хүчин зүтгэж, иргэд та бүхэнтэйгээ хамтдаа хөгжицгөөе! ЭРДЭНЭТ хүний төлөө хүчээ нэгтгэе!
ЭРДЭНЭТ ХҮН, ЭРДЭНЭТ ХОТ, ЭРДЭНЭТ ХҮЧ
Орхон аймгийн иргэдийн Төлөөлөгчдийн Хурлын дарга Д.Мөнхбат
Greetings to you, a citizen of ERDENET City, who has knowledge, information, values and aspiration for the development, going align with the age of information technology! We are confident that you will get the news and information you need without delay by visiting the website of the Citizens' Representative Meeting of the province, which is an expression of democracy, justice and equality. Your opinions and comments will make a valuable contribution to the activities of the representatives that will represent you in the state, the projects and programs to be implemented in the local area, investments, and constructions. we are all working with our knowledge, experience, and hard work for our hometown, to create a healthy and safe environment for our citizens to live and to work. As a result of our policy, we continue to strengthen our previous success and introduce more advinced technologies. Let the representatives and work offices wo* hard for the right for grh Election of citizens' Representative Meeting to continue the historical path 6f Erdenet city with successes and achievements, and to determine the colors of coming years ani let,s develop together. Let's join forces for citizens of Erdenet!
ERDENET PEOPLE, ERDENET CITY, ERDENET POWER
Chief of Citizens' Representative Meeting of Orkhon province D.Munkhbat