Алсын хараа: Нутгийн өөрийн удирдлагын тэргүүлэх байгууллага болох
Шинээр сүм, хийд, шашны байгууллага байгуулах, үйл ажиллагаа явуулах зөвшөөрлийн хугацаагаа сунгахад “Төр, сүм хийдийн харилцааны тухай” хууль болон аймгийн ИТХ-ын Тэргүүлэгчдийн 2009 оны 98 дугаар тогтоол: “Аймгийн нутаг дэвсгэрт сүм, хийд, шашны байгууллага байгуулж, үйл ажиллагаа явуулах” журмын тухай:
Сүм, хийдийн үйл ажиллагаа явуулах зөвшөөрөл хүссэн иргэд дараах бичиг баримтыг бүрдүүлж Хурлын ажлын албанд ирүүлнэ.
1. Сүм, хийд байгуулах шаардлага, шашны урсгал, үйл ажиллагааны онцлогийг тусгасан өргөдөл.
2. Сүм, хийд байгуулах тухай үүсгэн байгуулагчдын хурлын шийдвэр, дэлгэрэнгүй тэмдэглэл. /удирдах зөвлөлийн дарга болон гүйцэтгэх захирал, ахлагчийг сонгосон тухай/
3. Төр, сүм хийдийн харилцааны тухай хуулийн есдүгээр зүйлийн 3 дахь заалтын шаардлагыг бүрэн хангасан дүрэмтэй байна.
4. Сүм, хийдийг үүсгэн байгуулагчид. удирдах зөвлөлийн дарга, ахлагч, гадаадын зөвлөх, номлогчийн бүртгэл, /овог, нэр, нас, хүйс, боловсрол, мэргэжил, шашны ямар боловсрол хэзээ, хэрхэн эзэмшсэн тухай, эрхэлсэн ажил, сургууль, харилцах утас г.м/
5. Сүм, хийдийн үйл ажиллагаа явуулах нөхцөл, шаардлагыг хангасан байр, танхим, үл хөдлөх хөрөнгийн бичиг баримтын хуулбар эсвэл байр танхим тогтвортой ашиглахаар байгуулсан гэрээ.
6. Сүм, хийдээс шүтэн бишрэгчид, итгэгчдийн дунд зохиох ажлын гол агуулга, чиглэл, шашны зан үйлийг явуулахад шаардагдах ном, судар, бусад хэрэгслийн жагсаалт.
7. Сүм, хийдийн үйл ажиллагаа явуулах хөрөнгийн эх үүсвэр, санхүүжилтийн тухай танилцуулга.
8. Гадаад харилцааны талаарх танилцуулга, гадаадын зөвлөх, сургагч нар ажиллах бол Цагдаагийн байгууллагын тодорхойлолт.
Зөвшөөрөл авсан сүм, хийд, шашны байгууллага нь өөрийн байгууллагын бүтэц, зохион байгуулалт өөрчлөгдсөн, анхны батлагдсан дүрэмд нэмэлт өөрчлөлт оруулсан, үйл ажиллагааны урсгал, чиглэлд өөрчлөлт орсон тохиолдолд тухай бүр аймгийн ИТХ-ын Ажлын албанд албан ёсоор мэдэгдэнэ.
Үйл ажиллагааны зөвшөөрлийн хугацаагаа сунгахад дараах бичиг баримтыг бүрдүүлж, зөвшөөрлийн хугацаа дуусахаас 1 сарын өмнө Хурлын ажлын албанд ирүүлнэ.
1. Хугацаа сунгахыг хүссэн өргөдөл.
2. Тухайн зөвшөөрлийн хугацаанд сүм, хийд, шашны байгууллагаас явуулсан үйл ажиллагааны дэлгэрэнгүй тайлан, аймгийн Татварын хэлтэс, Нийгмийн даатгалын хэлтсийн тодорхойлолт.
Сүм, хийд, шашны байгууллага нь тухайн жилд хийсэн ажлын тайлан, танилцуулгыг жил бүрийн 12 сарын 25-ны дотор ИТХ-ын Ажлын албанд ирүүлж байхыг мэдэгдье.
Сүм, хийд, шашны байгууллагын үйл ажиллагаанд хориглох зүйлс:
1. Монгол Улсын тусгаар тогтнол, Үндэсний аюулгүй байдал, иргэдийн зан заншил, уламжлалд харшлах болон хүмүүнлэг бус үйл ажиллагаа явуулах.
2. Шашны үйл ажиллагааг иргэдэд хууль бусаар сурталчлах, гудамж талбайд сурталчилгааны зурагт хуудас наах, иргэдийг өөртөө татах зорилгоор хууль зөрчсөн үйл ажиллагаа явуулах.
3. 18 нас хүрээгүй хүүхдийг шашны үйл ажиллагаанд татан оролцуулах, шашны сургууль, сүм хийдэд албадан суулгах.
4. Төрийн харъяалал бүхий сургууль, соёлын байгууллагуудад шашны сургалт, цугларалт зохион байгуулах, багш нар өөрийн шүтдэг шашныг хүүхдэд шууд болон шууд бус ямар нэг хэлбэрээр сурталчлах.
5. Сүм хийдүүд дүрмээс гадуур үйл ажиллагаа явуулах, эрх бүхий байгууллагын зөвшөөрөлгүйгээр иргэдэд шашны зан үйлээс бусад аливаа үйлчилгээ явуулах.
6. ЕБС, цэцэрлэгүүдийн орчинд болон иргэний ахуйн зориулалттай газарт сүм, хийд байгуулах, үйл ажиллагаа явуулах.
7. Аймгийн иргэдийн Төлөөлөгчдийн Хурлын байгууллагын зөвшөөрөлгүйгээр аймгийн нутаг дэвсгэрт шашны үйл ажиллагаа явуулах.
АЙМГИЙН ХЭМЖЭЭНД ТӨР, СҮМ, ХИЙДИЙН ХАРИЛЦААГ ЗОХИЦУУЛАХ ЗӨВЛӨЛ
Мэдээлэл технологийн эрин зуунд хөл нийлүүлэн алхаж буй мэдлэгтэй, мэдээлэлтэй, үнэт зүйлтэй, хөгжих тэмүүлэлтэй ЭРДЭНЭТ хотын иргэн таньд энэ өдрийн мэндийг хүргэе!
Орхон аймгийн эдийн засаг, нийгмийн асуудлыг бие даан зохион байгуулах ардчилсан, шударга ёс, эрх чөлөө, тэгш байдлийн илэрхийлэл болсон аймгийн иргэдийн Төлөөлөгчдийн хурал, түүний веб сайтаар зочилж өөрт хэрэгтэй мэдээ, мэдээллээ цаг алдалгүй авна гэдэгт бид итгэлтэй байна. Иргэд та бүгдийг төрд төлөөлөх Төлөөлөгчдийн үйл ажиллагаа, орон нутагт хэрэгжих төсөл хөтөлбөр, бүтээн байгуулалтанд иргэн таны үзэл бодол, санал шүүмжлэл үнэтэй хувь нэмэр оруулна гэдэгт итгэлтэй байна.
Улс орны хөгжлийн түүчээ, сайн засаглалын загвар ЭРДЭНЭТ хотын түүхэн замналыг амжилт, ололтоор үргэлжлүүлэх, ирэх он жилүүдийн өнгийг тодорхойлох үйлсэд миний бие хүчин зүтгэж, иргэд та бүхэнтэйгээ хамтдаа хөгжицгөөе! ЭРДЭНЭТ хүний төлөө хүчээ нэгтгэе!
ЭРДЭНЭТ ХҮН, ЭРДЭНЭТ ХОТ, ЭРДЭНЭТ ХҮЧ
Орхон аймгийн иргэдийн Төлөөлөгчдийн Хурлын дарга Д.Мөнхбат
Greetings to you, a citizen of ERDENET City, who has knowledge, information, values and aspiration for the development, going align with the age of information technology! We are confident that you will get the news and information you need without delay by visiting the website of the Citizens' Representative Meeting of the province, which is an expression of democracy, justice and equality. Your opinions and comments will make a valuable contribution to the activities of the representatives that will represent you in the state, the projects and programs to be implemented in the local area, investments, and constructions. we are all working with our knowledge, experience, and hard work for our hometown, to create a healthy and safe environment for our citizens to live and to work. As a result of our policy, we continue to strengthen our previous success and introduce more advinced technologies. Let the representatives and work offices wo* hard for the right for grh Election of citizens' Representative Meeting to continue the historical path 6f Erdenet city with successes and achievements, and to determine the colors of coming years ani let,s develop together. Let's join forces for citizens of Erdenet!
ERDENET PEOPLE, ERDENET CITY, ERDENET POWER
Chief of Citizens' Representative Meeting of Orkhon province D.Munkhbat