Эрх зүй, нутгийн удирдлагын хорооны ээлжит хурал болж замын хөдөлгөөний аюулгүй байдлыг хангах, зам тээврийн ослоос урьдчилан сэргийлэх хөтөлбөрийн төсөлтэй танилцаж санал, дүгнэлт өглөө. Уг хөтөлбөр нь 2021-2024 онд дөрвөн жилийн хугацаанд хэрэгжих бөгөөд гурван зорилтын хүрээнд 23 арга хэмжээг хэрэгжүүлнэ. Тодруулбал, хүүхдийг зам тээврийн ослоос урьдчилан сэргийлэх чиглэлээр дадлага, сургуулилтыг хотын доторх болон гэр хорооллын чиглэлийн ерөнхий боловсролын сургуулиудын ойролцоох замуудад хийх, жолоодох эрхийн шалгалтын үйл ажиллагааг боловсронгуй болгох, шалгалтын өрөөг тохижуулж засварлуулах, А1001 замын хивсний уулзвар, дөмөг захын уулзвар, 6-10-р байрны баруун урд талын уулзвар, аюулгүйн тойргийн уулзварыг гэрлэн дохиотой болгох, замын эргэлт тойруу, зорчих хэсэгтэй ойролцоох обьектуудыг хамгаалсан төмөр туузан хаалт, хашилтыг байрлуулах, ачаалал ихтэй замыг өргөтгөх, хяналтын камер суурилуулах, хүчин чадлыг сайжруулах, улсын чанартай автозамын дагуу баригдаж буй “Оргил”, “Сансар” худалдааны төв, “Эрдэнэт цэцэрлэгт хүрээлэн”, 26-р цэцэрлэгийн орчимд хурд сааруулагч хийх, хууль бус тээвэрлэлтийн хяналтыг сайжруулах зэрэг ажил багтжээ.
Хөтөлбөр хэрэгжсэнээр зам тээврийн ослын улмаас амь насаа алдсан хүний тоо, эрүүл мэнд эд хөрөнгийн хохирлын хэмжээг бууруулах, хөдөлгөөний аюулгүй байдлыг хангах, байгууллагуудын чадавх дээшилж, зам тээврийн ослоос урьдчилан сэргийлэх, тусламж, үйлчилгээ үзүүлэх хамтын ажиллагаа сайжрах, зам тээврийн осол, гэмтлээс урьдчилан сэргийлэх орчин, нөхцөл бүрдэж, ослын дараах эмнэлгийн тусламж үйлчилгээний чанар хүртээмжийг сайжруулснаар ослоос шалтгаалсан нас барах, хөдөлмөрийн чадвар алдах тохиолдол буурна гэж үзэж байна.
Эрх зүй, нутгийн удирдлагын хорооны гишүүдээс хөтөлбөрийн төсөлтэй холбоотойгоор мэдээлэл сурталчилгааны ажлыг идэвхжүүлэх, өмнө нь хэрэгжсэн хөтөлбөрийн хүрсэн үр дүнг ахиулах, албан хаагчдын ажиллах нөхцөл боломжийг сайжруулах, иргэд болон алба хаагчид харилцаа холбоог сайжруулах, ГХУСАЗЗ-тай хамтран ажиллах, аймгийн хэмжээнд хэрэгжих томоохон хөтөлбөрүүдтэй уялдаа холбоотой арга хэмжээг хэрэгжүүлэх зэрэг саналыг илэрхийллээ.
Мөн тус хорооны хурлаар Хүрэнбулаг багийн IV сургуулийн өнөөгийн нөхцөл байдал, өргөтгөлийн барилга барих боломжтой эсэх талаар хэлэлцлээ. IV сургууль нь хамран сурах тойргийнхоо хүрээнд Зэст, Хүрэнбулаг багийн хүүхдүүдэд ерөнхий боловсролын үйлчилгээ үзүүлдэг бөгөөд хичээлийн хоёр байртай 184 багш, ажилтантай, 3025 сурагчтайгаар сургалтын үйл ажиллагаа явуулж байна. Хичээлийн нэгдүгээр байр буюу IV сургууль нь 1980 онд 1176 хүүхдийн хүчин чадалтайгаар ашиглалтанд орсон ч өнөөдрийн байдлаар 2500 гаруй сурагч суралцаж байна. Хичээлийн хоёрдугаар байр буюу VI бага сургууль нь 2006 онд 216 хүүхдийн хүчин чадалтайгаар ашиглалтанд орж, өнөөдрийн байдлаар 525 хүүхэд суралцдаг. Ирэх жил “Уурхайчин-1” хороолол ашиглалтанд орж шинэ суурьшлын бүс үүсч байгаатай холбоотойгоор тус сургуулийн сурагчдын тоо 600 орчмоор нэмэгдэж, гурван ээлжинд хичээллэх эрсдэлтэй байгаа ажээ. Тиймээс АИТХ-ын Төлөөлөгч Б.Мягмарсүрэн хүсэлт тавьсны дагуу энэ асуудлыг Эрх зүй, нутгийн удирдлагын хорооны хурлаар оруулж, , гарц шийдлийг хэлэлцлээ.
Тус сургуулийн гаднах талбайн доогуур инженерийн шугам сүлжээ дайран өнгөрч байгаа учраас сургуулийн ойр орчимд өргөтгөл барих боломжгүй гэдгийг ГХБХБГ-ын мэргэжилтэн хэллээ. Мөн Хүрэнбулаг багийн газар зохион байгуулалтын хэсэгчилсэн төлөвлөгөөнд өргөтгөлийн барилгын газар ороогүй нь уг асуудлыг шийдвэрлэхэд хүндрэлтэй байгаа аж.
Тиймээс хорооны хурлаар холбогдох байгууллагуудад зарим үүрэг даалгаврыг өглөө. Тодруулбал, сургуулийн өргөтгөл барих газар байгаа эсэхийг судалж гаргах, тодорхой байршилд судалгаа хийх, тухайн багийн иргэд, сургуулийн сурагч, эцэг эхчүүдийн саналыг авах, Зэст, Хүрэнбулаг багт ерөнхий боловсролын сургуулийн өргөтгөл бариулах нөхцөл шаардлага тоон судалгаа, баримт, дүгнэлтийг гаргаж ирэх 7 хоногт ирүүлэхийг үүрэг болголоо. Хорооны хурлаар олонхын саналаар IV сургуулийн өргөтгөлийн асуудлыг шийдвэрлэх шаардлагатай гэж үзлээ. Энэхүү саналаа аймаг, орон нутгийн удирдлагуудад хүргүүлэх бөгөөд цаашлаад УИХ-ын байнгын хороод, Орхон аймгаас УИХ-д сонгогдсон гишүүд, Засгийн газар, Боловсрол, Шинжлэх ухааны яам зэрэг шийдвэр гаргах түвшинд уламжилж төсөв, санхүүг улсын төсөвт тусгуулах чиглэлээр ажиллахаар боллоо.
Мэдээлэл технологийн эрин зуунд хөл нийлүүлэн алхаж буй мэдлэгтэй, мэдээлэлтэй, үнэт зүйлтэй, хөгжих тэмүүлэлтэй ЭРДЭНЭТ хотын иргэн таньд энэ өдрийн мэндийг хүргэе!
Орхон аймгийн эдийн засаг, нийгмийн асуудлыг бие даан зохион байгуулах ардчилсан, шударга ёс, эрх чөлөө, тэгш байдлийн илэрхийлэл болсон аймгийн иргэдийн Төлөөлөгчдийн хурал, түүний веб сайтаар зочилж өөрт хэрэгтэй мэдээ, мэдээллээ цаг алдалгүй авна гэдэгт бид итгэлтэй байна. Иргэд та бүгдийг төрд төлөөлөх Төлөөлөгчдийн үйл ажиллагаа, орон нутагт хэрэгжих төсөл хөтөлбөр, бүтээн байгуулалтанд иргэн таны үзэл бодол, санал шүүмжлэл үнэтэй хувь нэмэр оруулна гэдэгт итгэлтэй байна.
Улс орны хөгжлийн түүчээ, сайн засаглалын загвар ЭРДЭНЭТ хотын түүхэн замналыг амжилт, ололтоор үргэлжлүүлэх, ирэх он жилүүдийн өнгийг тодорхойлох үйлсэд миний бие хүчин зүтгэж, иргэд та бүхэнтэйгээ хамтдаа хөгжицгөөе! ЭРДЭНЭТ хүний төлөө хүчээ нэгтгэе!
ЭРДЭНЭТ ХҮН, ЭРДЭНЭТ ХОТ, ЭРДЭНЭТ ХҮЧ
Орхон аймгийн иргэдийн Төлөөлөгчдийн Хурлын дарга Д.Мөнхбат
Greetings to you, a citizen of ERDENET City, who has knowledge, information, values and aspiration for the development, going align with the age of information technology! We are confident that you will get the news and information you need without delay by visiting the website of the Citizens' Representative Meeting of the province, which is an expression of democracy, justice and equality. Your opinions and comments will make a valuable contribution to the activities of the representatives that will represent you in the state, the projects and programs to be implemented in the local area, investments, and constructions. we are all working with our knowledge, experience, and hard work for our hometown, to create a healthy and safe environment for our citizens to live and to work. As a result of our policy, we continue to strengthen our previous success and introduce more advinced technologies. Let the representatives and work offices wo* hard for the right for grh Election of citizens' Representative Meeting to continue the historical path 6f Erdenet city with successes and achievements, and to determine the colors of coming years ani let,s develop together. Let's join forces for citizens of Erdenet!
ERDENET PEOPLE, ERDENET CITY, ERDENET POWER
Chief of Citizens' Representative Meeting of Orkhon province D.Munkhbat