Алсын хараа: Нутгийн өөрийн удирдлагын тэргүүлэх байгууллага болох
Аймгийн ИТХ-ын Ээлжит бус III хуралдаан гурван өдөр үргэлжилж, орон нутгийн нийгэм, эдийн засгийн олон чухал асуудлыг хэлэлцэн баталлаа. Тус хуралдаанаас гарсан онцлох шийдвэрүүдийг хүргэж байна.
1. “Эх хэл-Эрдэнэт” хөтөлбөрийг баталлаа
Орхон аймгийн нийт иргэд, хүүхэд багачуудын эх хэлний боловсролыг дээшлүүлж, Монгол бичгийн сургалт, сурталчилгаа, хэрэглээний орчин бүрдүүлэх, албан хэргийг хос бичгээр хөтлөн явуулах бэлтгэлийг хангах зорилгоор “Эх хэл-Эрдэнэт” хөтөлбөрийг 2021-2024 онд хэрэгжүүлэхээр аймгийн ИТХ-ын Төлөөлөгчдийн олонхийн саналаар баталлаа. Тус хөтөлбөр хэрэгжсэнээр Төрийн байгууллагын ажилтан албан хаагчдын 90 хувь, хувийн хэвшлийн аж ахуйн нэгжийн ажилтан албан хаагчдын 40 хувийг үндэсний бичгийн анхан, дунд, гүнзгий шатны мэдлэгтэй болгож, төрийн албан хэргийг хос бичгээр хөтлөн явуулах бэлтгэлийг бүрэн хангана. Мөн бага анги, монгол хэл бичгийн багш нарын онолын мэдлэг дээшилж, монгол хэлний сургалтын чанарт ахиц гарна гэж үзэж байна. Түүнчдэн иргэд, олон нийтийн эх хэлээ дээдлэх, түүнийг сурч судлах зөв хэрэглэж , өвлүүлэх, хамгаалах, хөгжүүүлэх үйл хэрэгт оролцох оролцоо нэмэгдэж, үндэсний бичгээр хэвлэгдэх ном сурах бичиг, нэвтрүүлэг, уран бүтээлийн тоо өсөж, зар сурталчилгаа, бүтээгдэхүүний хаяг шошгыг Монгол бичгээр бичиж, цахим орчинд үндэсний бичгээр эх боловсруулах хэрэгцээ нэмэгдсэнээр нийгэм, ахуйн хүрээнд үндэсний бичгийн хэрэглээний орчин бүрдэх юм.
2. Уурхайчин, Цагаанчулуут, Говил багт дахин төлөвлөлт хийнэ
Уурхайчин багийн Тамир зочид буудлын урд хэсгийн гаражийн зориулалтаар ашиглаж байгаа 1.3 га талбай, Цагаанчулуут багийн 7А хорооллын баруун хэсгийн 49-53-р гудамжны 11.9 га талбай, Говил багийн Дэнж, Хонхорын хэсгийн 22.6 га талбайд дахин төлөвлөлт хийхээр боллоо. Дээрх гурван байршилд дахин төлөвлөлт хийснээр хот байгуулалтад нийцсэн, инженерийн болон нийгмийн дэд бүтцийн тэгш хүртээмжтэй эрүүл аюулгүй орчин бий болж, иргэн хүний ажиллаж амьдрах таатай нөхцөлийг бүрдүүлнэ.
3. 2021 оны төсвийн тодотголыг баталлаа
Орхон аймгийн 2021 оны төсвийн орлого давж биелэх, орон нутгийн төсвөөс улсын төсөвт төвлөрүүлэх орлогыг бууруулж баталсантай холбогдуулан тус эх үүсвэрээр дараах хөрөнгө оруулалт, төсөл хөтөлбөрийн зардлыг санхүүжүүлэхээр төсвийн тодотголыг баталлаа. Үүнд:
1. Болзошгүй аваарын зардлыг 1,5 тэрбум төгрөгөөр
2. Зураг төсвийн зардлыг 250 сая төгрөгөөр
3. Төрийн үйлчилгээний операторын үйл ажиллагааны зардлыг 8 сая төгрөгөөр
4. Онцгой байдлын комиссын зардлыг 2,0 тэрбум төгрөгөөр
5. Олон нийтийн цагдаагийн үйл ажиллагааны зардлыг 56,9 сая төгрөгөөр
6. Орон нутгийн төсвөөс Улаан загалмайн хороонд олгох дэмжлэгийн зардлыг 37,0 сая төгрөгөөр
7. “Өндөр ёс зүйтэй-өөдрөг Эрдэнэт” хөтөлбөрийн зардлыг 20 сая төгрөгөөр тус тус нэмэгдүүлэхээр боллоо.
Мөн Уртын гол багт орон сууц барих, Баянцагаан багийн нэгдсэн төвийг инженерийн шугам сүлжээнд холбох, Номын өргөө барих, 1А хороололд сургууль, цэцэрлэг барих хөрс хуулалтын ажлыг эхлүүлэх зэрэг олон хөрөнгө оруулалтын ажлыг шинээр санхүүжлүүлэхээр төсвийн тодотголд тусган баталлаа.
Мэдээлэл технологийн эрин зуунд хөл нийлүүлэн алхаж буй мэдлэгтэй, мэдээлэлтэй, үнэт зүйлтэй, хөгжих тэмүүлэлтэй ЭРДЭНЭТ хотын иргэн таньд энэ өдрийн мэндийг хүргэе!
Орхон аймгийн эдийн засаг, нийгмийн асуудлыг бие даан шийдвэрлэх, ардчилал, шударга ёс, эрх чөлөө, тэгш байдлийн илэрхийлэл болсон аймгийн иргэдийн Төлөөлөгчдийн хурлын цахим хуудсаар зочилж өөрт хэрэгтэй мэдээ, мэдээллээ цаг алдалгүй авна гэдэгт бид итгэлтэй байна. Иргэд та бүгдийг төрд төлөөлөх Төлөөлөгчдийн үйл ажиллагаа, орон нутагт хэрэгжих төсөл хөтөлбөр, бүтээн байгуулалтад иргэн таны үзэл бодол, санал шүүмжлэл үнэтэй хувь нэмэр оруулна гэдэгт итгэлтэй байна.
Улс орны хөгжлийн түүчээ, сайн засаглалын загвар ЭРДЭНЭТ хотын түүхэн замналыг амжилт, ололтоор үргэлжлүүлэх, ирэх он жилүүдийн өнгийг тодорхойлох үйлсэд миний бие хүчин зүтгэж, иргэд та бүхэнтэйгээ хамтдаа хөгжицгөөе!
ЭРДЭНЭТ ХҮН, ЭРДЭНЭТ ХОТ, ЭРДЭНЭТ ХҮЧ, ХӨГЖЛИЙН ИЛГЭЭЛТ 50
Орхон аймгийн иргэдийн Төлөөлөгчдийн Хурлын дарга Д.Мөнхбат
Greetings to you, a citizen of ERDENET City, who has knowledge, information, values and aspiration for the development, going align with the age of information technology! We are confident that you will get the news and information you need without delay by visiting the website of the Citizens' Representative Meeting of the province, which is an expression of democracy, justice and equality. Your opinions and comments will make a valuable contribution to the activities of the representatives that will represent you in the state, the projects and programs to be implemented in the local area, investments, and constructions. we are all working with our knowledge, experience, and hard work for our hometown, to create a healthy and safe environment for our citizens to live and to work. As a result of our policy, we continue to strengthen our previous success and introduce more advinced technologies. Let the representatives and work offices wo* hard for the right for grh Election of citizens' Representative Meeting to continue the historical path 6f Erdenet city with successes and achievements, and to determine the colors of coming years ani let,s develop together. Let's join forces for citizens of Erdenet!
ERDENET PEOPLE, ERDENET CITY, ERDENET POWER
Chief of Citizens' Representative Meeting of Orkhon province D.Munkhbat