Зураг Зураг Орхон аймгийн иргэдийн Төлөөлөгчдийн Хурал
Алсын хараа: Нутгийн өөрийн удирдлагын тэргүүлэх байгууллага болох
Зураг
МЭДЭЭ Мэдээ, мэдээлэл Цаг үеийн мэдээ
2024.05.29
19

Эхний хагас жилийн биелэлтийг хэлэлцлээ

Аймгийн ГХУСАЗСЗ-ийн 2024 он II хуралдаан болж гишүүн байгууллагуудын “Гэмт хэрэг, зөрчлөөс урьдчилан сэргийлэх хөтөлбөр”-ийг хэрэгжүүлэх арга хэмжээний 2024 оны эхний хагас жилийн биелэлтийг хэлэлцлээ. Тодруулбал, Цагдаагийн газар, Тагнуулын газар, Шүүхийн шийдвэр гүйцэтгэх газар, Шүүх шинжилгээний хэлтэс, Онцгой байдлын газар, “Эрдэнэт үйлдвэр” ТӨҮГ, Прокурорын газар болон аймгийн ЗДТГ-ын хууль эрх зүйн хэлтсээс тус тус мэдээлэл хийж, тайлангаа танилцуулав. 

Орхон аймгийн Гэмт хэрэг, зөрчлөөс урьдчилан сэргийлэх хөтөлбөрийг аймгийн ИТХ-ын хуралдаанаар баталсан бөгөөд сүүлийн таван жилийн статистик үзүүлэлтээр өсөлттэй гарч буй хулгайлах, залилах, хүний эрүүл мэндийн халдашгүй байдлын эсрэг гэмт хэрэг, хөдөлгөөний аюулгүй байдал, тээврийн хэрэгслийн ашиглалтын журмын эсрэг гэмт хэрэг, мансууруулах эм, сэтгэцэд нөлөөт бодисыг хууль бусаар ашиглах гэмт хэрэг зэрэг таван төрлийн гэмт хэргийн гаралтыг бууруулах зорилт тавьсан. 

Хуулийн өөрчлөлттэй холбоотойгоор зарим төрлийн гэмт хэргийн гаралт өсөлттэй гарч байгааг хуралдааны үеэр онцоллоо. Тодруулбал, согтуугаар тээврийн хэрэгсэл жолоодох зөрчлийг давтан үйлдсэн тохиолдолд эрүүгийн гэм хэрэгт тооцож, үүрүүлэх ял шийтгэлийн хэмжээ нэмэгдсэн учраас энэ төрлийн гэмт хэргийн бүртгэгдсэн тоо нэмэгджээ. Орхон аймгийн Прокурорын газраас энэ төрлийн зөрчлийг нэг удаа гаргасан этгээдүүдэд давтан гаргасан тохиолдолд ял шийтгэлийн хэмжээ ихэссэн гэдгийг анхааруулсан  мэдээллийг хүргүүлжээ.

Мөн тус хурлаар аймгийн Прокурорын газраас “Тээврийн хэрэгслийн хөдөлгөөний аюулгүй байдал, ашиглалтын журам зөрчих” гэмт хэргийн гаралт шалтгаан нөхцөлийн судалгааг танилцуулж, уг гэмт хэргийн гаралтыг бууруулахад ямар төрлийн ажил, арга хэмжээ зохион байгуулах шаардлагатай талаар зөвлөлийн гишүүдээс санал авлаа.  Зөвлөлийн гишүүдээс Орхон аймагт хэвшсэн замын хөдөлгөөний соёл, сайн жишгийг сурталчлах, жолооч бэлтгэж буй сургалтын төвүүдэд зөвлөмж хүргүүлэх, босоо, хэвтээ тэмдэг тэмдэглэгээг сайжруулах, эвдрэл, гэмтлийг засаж сайжруулах шаардлагатай байгааг хэлж байлаа. 

Зөвлөлийн II хуралдаанд Эрдэнэт үйлдвэр ТӨҮГ-ын  “Эрдэнэт үйлдвэр” ТӨҮГ-аас гэмт хэргээс урьдчилан сэргийлэх чиглэлээр үйлдвэрийн хэмжээнд хэрэгжүүлсэн ажлын мэдээллийг танилцуулсан бөгөөд зөвлөлөөс тэмдэглэлээр үүрэг даалгавар өгөхөөр боллоо. 

Хуралдаанаас Гэмт хэрэг, зөрчлөөс урьдчилан сэргийлэх хөтөлбөр”-ийг төлөвлөгөөний хэрэгжилтийг хангах ажлыг эрчимжүүлэх, хамтарсан багийн үйл ажиллагаанд мэргэжил, арга зүйн хяналт тавих, сургуулийн захирал, цэцэрлэгийн эрхлэгч нартай хийсэн гуравласан гэрээний хэрэгжилтийг хангах, зөвлөлийн гишүүд, гэмт хэргээс урьдчилан сэргийлэх чиглэлээр хийж хэрэгжүүлж буй ажлын уялдаа холбоог хангах зэрэг үүрэг даалгавруудыг өглөө.

Мэндчилгээ

Мэдээлэл технологийн эрин зуунд хөл нийлүүлэн алхаж буй мэдлэгтэй, мэдээлэлтэй, үнэт зүйлтэй, хөгжих тэмүүлэлтэй ЭРДЭНЭТ хотын иргэн таньд энэ өдрийн мэндийг хүргэе!

Орхон аймгийн эдийн засаг, нийгмийн асуудлыг бие даан зохион байгуулах ардчилсан, шударга ёс, эрх чөлөө, тэгш байдлийн илэрхийлэл болсон аймгийн иргэдийн Төлөөлөгчдийн хурал, түүний веб сайтаар зочилж өөрт хэрэгтэй мэдээ, мэдээллээ цаг алдалгүй авна гэдэгт бид итгэлтэй байна. Иргэд та бүгдийг төрд төлөөлөх Төлөөлөгчдийн үйл ажиллагаа, орон нутагт хэрэгжих төсөл хөтөлбөр, бүтээн байгуулалтанд иргэн таны үзэл бодол, санал шүүмжлэл үнэтэй хувь нэмэр оруулна гэдэгт итгэлтэй байна.

Улс орны хөгжлийн түүчээ, сайн засаглалын загвар ЭРДЭНЭТ хотын түүхэн замналыг амжилт, ололтоор үргэлжлүүлэх, ирэх он жилүүдийн өнгийг тодорхойлох үйлсэд миний бие хүчин зүтгэж, иргэд та бүхэнтэйгээ хамтдаа хөгжицгөөе! ЭРДЭНЭТ хүний төлөө хүчээ нэгтгэе!

ЭРДЭНЭТ ХҮН, ЭРДЭНЭТ ХОТ, ЭРДЭНЭТ ХҮЧ

Орхон аймгийн иргэдийн Төлөөлөгчдийн Хурлын дарга Д.Мөнхбат

              Greetings to you, a citizen of ERDENET City, who has knowledge, information, values and aspiration for the development, going align with the age of information technology! We are confident that you will get the news and information you need without delay by visiting the website of the Citizens' Representative Meeting of the province, which is an expression of democracy, justice and equality. Your opinions and comments will make a valuable contribution to the activities of the representatives that will represent you in the state, the projects and programs to be implemented in the local area, investments, and constructions. we are all working with our knowledge, experience, and hard work for our hometown, to create a healthy and safe environment for our citizens to live and to work. As a result of our policy, we continue to strengthen our previous success and introduce more advinced technologies. Let the representatives and work offices wo* hard for the right for grh Election of citizens' Representative Meeting to continue the historical path 6f Erdenet city with successes and achievements, and to determine the colors of coming years ani let,s develop together. Let's join forces for citizens of Erdenet!

ERDENET PEOPLE, ERDENET CITY, ERDENET POWER

                                                                                                                      Chief of Citizens' Representative Meeting of Orkhon province D.Munkhbat

ХОЛБООС
Хурлын түүх
ХАЯГ
Орхон аймаг, Баян-Өндөр сум, Хүрэнбулаг баг, Нутгийн удирдлагын ордон
УТАС
+976 7035 0494
ЦАХИМ ШУУДАН
info@itkh.orkhon.gov.mn
ФАКС
+976 7035 2631
ЦАГИЙН ХУВААРЬ
Даваа - Баасан 08:00 - 18:00
/Цайны завсарлага 12:00 - 14:00/
© Орхон аймгийн иргэдийн Төлөөлөгчдийн Хурал 2024 он
Хандалт 25018, Энэ жил 25018, Энэ сар 7038, Энэ долоо хоног 750, Өнөөдөр 159