Алсын хараа: Нутгийн өөрийн удирдлагын тэргүүлэх байгууллага болох
Орхон аймгийн ИТХ-ын Тэргүүлэгчдийн 2016 оны 11-р сарын 28-ны өдрийн 14-р хуралдаан Нутгийн удирдлагын ордонд болж өнгөрлөө. Хуралдааны эхэнд аймгийн ИТХ-ын Ээлжит IV хуралдааны бэлтгэл хангасан дүнгийн тухай хэлэлцсэн юм.
Аймгийн Засаг дарга Д.Батлут аймгийн эдийн засаг, нийгмийг 2016 онд хөгжүүлэх Үндсэн чиглэлийн урьдчилсан гүйцэтгэл, 2017 онд аймгийн эдийн засаг, нийгмийг хөгжүүлэх үндсэн чиглэлийн төслийг танилцуулж хэлэлцүүлсэн. Аймгийн ИТХ-ын Тэргүүлэгчдийн хурлаас гарсан саналыг 2017 оны Үндсэн чиглэлийн төсөлд тусгахыг аймгийн ЗДТГ-ын холбогдох хэлтэс, агентлагийн дарга нарт даалгаж, 2016 оны 12-р сарын 02-нд хуралдах аймгийн ИТХ-ын Ээлжит 4-р хуралдаанаар хэлэлцэхийг дэмжлээ.
Монгол улсын УИХ-аас Орхон аймагт ирэх онд төсвийн нийт орлогыг 41.7 тэрбум төгрөг байхаар баталсанаас суурь орлогыг 37.9 тэрбум төгрөгөөр баталсан. Тэгвэл аймгийн 2017 оны төсвийн төслийг Санхүү төрийн сангийн хэлтсийн дарга Н.Бямбацэцэг танилцуулж, хэлэлцүүллээ. Хуралдаанаас гаргасан саналыг 2017 оны төсвийн төсөлд тусгаж аймгийн ИТХ-ын Ээлжит 4-р хуралдаанаар хэлэлцэхээр тогтоолоо.
Аймгийн ИТХ-ын Тэргүүлэгчдийн хурлаар аймгийн нутаг дэвсгэрт сүм, хийд, шашны байгууллага байгуулж, үйл ажиллагаа явуулах журмыг шинэчлэн боловсруулах ажлын хэсгийг байгууллан ажиллаж, төслийг 2016 оны 12 дугаар сард багтаан Тэргүүлэгчдийн Хуралд оруулж хэлэлцүүлэхийг ажлын хэсгийн ахлагч Б.Оюунбаярт даалгасан юм.
Мөн тус хуралдаанаар “Аймгийн нутаг дэвсгэрт сүм, хийд шашны байгууллага байгуулж үйл ажиллагаа явуулах журам”-ын 4 дүгээр зүйлийн 4.3-ыг үндэслэн үйл ажиллагаа явуулах хугацаа дуусч, түүнийг сунгуулах тухай хүсэлт тавьж, холбогдох материалыг бүрдүүлж ирүүлсэн “Амьд-Үг-Эрдэнэт” Христийн сүмийн үйл ажиллагаа явуулах хугацааг 1 жилээр сунгахаар тогтоол гаргасан байна.
Аймгийн хэмжээнд бүтээмж, инновацийн хөдөлгөөний бодлогыг тодорхойлж, “Мэдлэгт суурилсан Эрдэнэт” хөтөлбөрийг хэрэгжүүлэх үйл явцыг удирдан чиглүүлэх үүрэг бүхий бүтээмж инновацийн зөвлөлийн үйл ажиллагааг эрчимжүүлэх шаардлагыг үндэслэн зөвлөлийн бүрэлдэхүүнийг шинэчлэн баталсан. Үүнтэй холбогдуулан “Зөвлөлийн бүрэлдэхүүнийг шинэчлэн батлах тухай” аймгийн ИТХ-ын тэргүүлэгчдийн 2015 81 дүгээр тогтоолыг хүчингүй болсонд тооцлоо.
Монгол улсын засаг захиргаа нутаг дэвсгэрийн нэгж, түүний удирдлагын тухай хуулийн 20 дугаар зүйлийн 20.1.3 дахь заалтыг үндэслэн аймгийн хэмжээнд албадан ажил хийлгэх ялтай этгээдээр 2017 онд гүйцэтгүүлэх ажлын төлөвлөгөө, ажлын байрны жагсаалтыг хэлэлцэн баталлаа.
Хуралдааны төгсгөлд “Гамшгаас хамгаалах тухай хууль”-ийн 14 дүгээр зүйл 14.1, 16 дугаар зүйлийн 16.1 заалтыг тус тус үндэслэн аймгийн Онцгой комиссын шинэчилсэн бүрэлдэхүүн болон Онцгой комиссын ажиллах журмыг баталсан байна. Тогтоол гарсантай холбогдуулан аймгийн Иргэдийн Төлөөлөгчдийн хурлын Тэргүүлэгчдийн 2013 оны 62 дугаар тогтоолыг хүчингүйд тооцон, тогтоолын хэрэгжилтэнд хяналт тавьж ажиллахыг аймгийн Засаг дарга бөгөөд Онцгой комиссын дарга Д.Батлут-д даалгалаа.
Мэдээлэл технологийн эрин зуунд хөл нийлүүлэн алхаж буй мэдлэгтэй, мэдээлэлтэй, үнэт зүйлтэй, хөгжих тэмүүлэлтэй ЭРДЭНЭТ хотын иргэн таньд энэ өдрийн мэндийг хүргэе!
Орхон аймгийн эдийн засаг, нийгмийн асуудлыг бие даан зохион байгуулах ардчилсан, шударга ёс, эрх чөлөө, тэгш байдлийн илэрхийлэл болсон аймгийн иргэдийн Төлөөлөгчдийн хурал, түүний веб сайтаар зочилж өөрт хэрэгтэй мэдээ, мэдээллээ цаг алдалгүй авна гэдэгт бид итгэлтэй байна. Иргэд та бүгдийг төрд төлөөлөх Төлөөлөгчдийн үйл ажиллагаа, орон нутагт хэрэгжих төсөл хөтөлбөр, бүтээн байгуулалтанд иргэн таны үзэл бодол, санал шүүмжлэл үнэтэй хувь нэмэр оруулна гэдэгт итгэлтэй байна.
Улс орны хөгжлийн түүчээ, сайн засаглалын загвар ЭРДЭНЭТ хотын түүхэн замналыг амжилт, ололтоор үргэлжлүүлэх, ирэх он жилүүдийн өнгийг тодорхойлох үйлсэд миний бие хүчин зүтгэж, иргэд та бүхэнтэйгээ хамтдаа хөгжицгөөе! ЭРДЭНЭТ хүний төлөө хүчээ нэгтгэе!
ЭРДЭНЭТ ХҮН, ЭРДЭНЭТ ХОТ, ЭРДЭНЭТ ХҮЧ
Орхон аймгийн иргэдийн Төлөөлөгчдийн Хурлын дарга Д.Мөнхбат
Greetings to you, a citizen of ERDENET City, who has knowledge, information, values and aspiration for the development, going align with the age of information technology! We are confident that you will get the news and information you need without delay by visiting the website of the Citizens' Representative Meeting of the province, which is an expression of democracy, justice and equality. Your opinions and comments will make a valuable contribution to the activities of the representatives that will represent you in the state, the projects and programs to be implemented in the local area, investments, and constructions. we are all working with our knowledge, experience, and hard work for our hometown, to create a healthy and safe environment for our citizens to live and to work. As a result of our policy, we continue to strengthen our previous success and introduce more advinced technologies. Let the representatives and work offices wo* hard for the right for grh Election of citizens' Representative Meeting to continue the historical path 6f Erdenet city with successes and achievements, and to determine the colors of coming years ani let,s develop together. Let's join forces for citizens of Erdenet!
ERDENET PEOPLE, ERDENET CITY, ERDENET POWER
Chief of Citizens' Representative Meeting of Orkhon province D.Munkhbat