Алсын хараа: Нутгийн өөрийн удирдлагын тэргүүлэх байгууллага болох
Орхон аймгийн ИТХ-ын ээлжит 13-р хуралдаанаар орон нутагт чадахуйн зарчимд суурилсан мэргэшсэн төрийн албыг төлөвшүүлэх, төрийн албан хаагчдын ажиллах орчин, нийгмийн баталгааг хангах, тогтвор суурьшилтай, үр бүтээлтэй ажиллах боломжийг бүрдүүлэх зорилгоор “Төрийн албан хаагчдын хөгжлийн хөтөлбөр”-ийг 2023-2026 он хүртэл 3 жилийн хугацаанд хэрэгжүүлэхээр баталлаа.
Уг хөтөлбөрийг хэрэгжүүлж, төрийн албан хаагчийг сургах болон ажиллах нөхцөлийг сайжруулснаар орон нутгийн бодлого, шийдвэрийн үр дүн, хэрэгжилт сайжирч, төрийн бүтээмжийн чанар, үйлчилгээний хүртээмж дээшилнэ гэж үзэж байна. 2021 оны жилийн эцсийн байдлаар Орхон аймагт төрийн 96 байгууллагад 4319 төрийн албан хаагч ажиллаж байгаа юм.
Мөн тус хуралдаанаар орон нутгийн өмчийн байрны 2023 оны шууд түрээсийн орлогыг 384,050.28 мянган төгрөг, дам түрээсийн орлогыг 82,070 мянган төгрөгөөр баталсан бөгөөд орон нутгийн өмчид бүртгэлтэй ашиглагдахгүй байгаа Эрдэнэ багт байрлах гал унтраах, аврах 68 дугаар ангийн зүүн талд байрлах Эрдэнэ багийн хуучин байр, Булган аймгийн Орхон сумын нутаг дэвсгэрт Булган аймаг явах замд байрлах Замын цагдаагийн постын байр, Баянбулаг багт байрлах хашаа, байшинг дуудлага худалдаагаар худалдан борлуулах жагсаалтыг баталлаа.
Түүнчлэн “Гэр бүлийн ордон”, “Эрдэнэт шинжлэх ухаан, технологийн парк” ОНӨААТҮГ, “Их шүтээн цогцолбор” ОНӨААТҮГ, Хот тохижуулах газар, Цэцэрлэгжүүлэлт, ногоон байгууламжийн газар, Нийтлэг үйлчилгээний алба, Мэдээлэл шуурхай удирдлагын төв, “Эрдэнэт цэцэрлэгт хүрээлэн”-гийн ашиглалтын өмнөх захиргаа зэрэг орон нутгийн өмчит байгууллагуудын орон тоо, цалингийн зэрэглэлийг шинэчиллээ.
Мэдээлэл технологийн эрин зуунд хөл нийлүүлэн алхаж буй мэдлэгтэй, мэдээлэлтэй, үнэт зүйлтэй, хөгжих тэмүүлэлтэй ЭРДЭНЭТ хотын иргэн таньд энэ өдрийн мэндийг хүргэе!
Орхон аймгийн эдийн засаг, нийгмийн асуудлыг бие даан зохион байгуулах ардчилсан, шударга ёс, эрх чөлөө, тэгш байдлийн илэрхийлэл болсон аймгийн иргэдийн Төлөөлөгчдийн хурал, түүний веб сайтаар зочилж өөрт хэрэгтэй мэдээ, мэдээллээ цаг алдалгүй авна гэдэгт бид итгэлтэй байна. Иргэд та бүгдийг төрд төлөөлөх Төлөөлөгчдийн үйл ажиллагаа, орон нутагт хэрэгжих төсөл хөтөлбөр, бүтээн байгуулалтанд иргэн таны үзэл бодол, санал шүүмжлэл үнэтэй хувь нэмэр оруулна гэдэгт итгэлтэй байна.
Улс орны хөгжлийн түүчээ, сайн засаглалын загвар ЭРДЭНЭТ хотын түүхэн замналыг амжилт, ололтоор үргэлжлүүлэх, ирэх он жилүүдийн өнгийг тодорхойлох үйлсэд миний бие хүчин зүтгэж, иргэд та бүхэнтэйгээ хамтдаа хөгжицгөөе! ЭРДЭНЭТ хүний төлөө хүчээ нэгтгэе!
ЭРДЭНЭТ ХҮН, ЭРДЭНЭТ ХОТ, ЭРДЭНЭТ ХҮЧ
Орхон аймгийн иргэдийн Төлөөлөгчдийн Хурлын дарга Д.Мөнхбат
Greetings to you, a citizen of ERDENET City, who has knowledge, information, values and aspiration for the development, going align with the age of information technology! We are confident that you will get the news and information you need without delay by visiting the website of the Citizens' Representative Meeting of the province, which is an expression of democracy, justice and equality. Your opinions and comments will make a valuable contribution to the activities of the representatives that will represent you in the state, the projects and programs to be implemented in the local area, investments, and constructions. we are all working with our knowledge, experience, and hard work for our hometown, to create a healthy and safe environment for our citizens to live and to work. As a result of our policy, we continue to strengthen our previous success and introduce more advinced technologies. Let the representatives and work offices wo* hard for the right for grh Election of citizens' Representative Meeting to continue the historical path 6f Erdenet city with successes and achievements, and to determine the colors of coming years ani let,s develop together. Let's join forces for citizens of Erdenet!
ERDENET PEOPLE, ERDENET CITY, ERDENET POWER
Chief of Citizens' Representative Meeting of Orkhon province D.Munkhbat