Алсын хараа: Нутгийн өөрийн удирдлагын тэргүүлэх байгууллага болох
Дэлхийн улс орнуудын удирдагчид 2003 онд Авлигын эсрэг Нэгдсэн Үндэсний байгууллагын Конвенцид нэгдэн, гарын үсэг зурах бага хурлыг Мексикийн Мерида хотноо зохион байгуулж байсан ба Дэлхийн улс орнуудын өндөр албан тушаалтнууд гарын үсгээ зурсан энэхүү өдрийг Авлигын эсрэг олон улсын өдөр хэмээн Нэгдсэн Үндэсний байгууллагаас албан ёсоор тунхагласан билээ.
Монгол Улс тус Конвенцид 2005 онд нэгдэн орсон бөгөөд Авлигын эсрэг олон улсын өдрийг угтан хүүхэд багачууд, оюутан залууст шударга ёсны үзэл санааг төлөвшүүлэх, авлигын хор хөнөөлийг ухуулан, таниулах, уриалах контент бэлтгэн түгээх, авлигын эсрэг хууль тогтоомж, Авлигатай тэмцэх газрын үйл ажиллагааг сурталчлах, авлигаас урьдчилан сэргийлэх уулзалт, хэлэлцүүлэг, өдөрлөг зэрэг олон талт арга хэмжээг хэвлэл мэдээллийн байгууллага, хувийн хэвшлийн байгууллагууд, иргэд, олон нийтийн оролцоонд түшиглэн зохион байгуулж, өргөн хүрээнд тэмдэглэж иржээ.
Харин энэ жил Нэгдсэн Үндэсний Байгууллагын Авлигын эсрэг конвенц батлагдсаны 20 жилийн ойг тохиолдуулан “Дэлхий нийтээрээ авлигын эсрэг нэгдье” уриан дор тэмдэглэн өнгөрүүлж байна. Энэхүү Авлигын эсрэг Олон улсын өдрийг угтан боловсрол, барилга хот байгуулалт, зам тээвэр, хөдөө аж ахуй, хөдөлмөр нийгмийн хамгаалал, байгаль орчин, уул уурхай, эрүүл мэнд зэрэг 8 салбарт, салбар бүрийн төлөөлөл, иргэний нийгмийн байгууллагыг оролцуулж, тулгамдсан асуудлыг шийдвэрлэх талаар цуврал хэлэлцүүлэг өрнүүлж, хэлэлцүүлгээс гарсан санал, зөвлөмжийг холбогдох байгууллагад хүргүүлж, бодитой үр дүнд хүрэхээр зорин ажиллаж байна.
Авлигатай тэмцэх газар 2021 онд нийт 1596 гомдол, мэдээлэл хүлээн авч, мөрдөн байцаалтын явцад 96.2 тэрбум төгрөгийг нөхөн төлүүлж, эд хөрөнгийг битүүмжлэн хадгалсан бол 2022 оны 11 дүгээр сарын байдлаар нийт 1304 гомдол, мэдээлэл хүлээн авч, 2.4 их наяд төгрөгийн хохирлыг нөхөн төлүүлж, 406.4 тэрбум төгрөгөөр үнэлэгдэх эд хөрөнгө болон бэлэн мөнгийг битүүмжлэн хамгаалсан нь өмнөх оны мөн үетэй харьцуулахад 2.3 их наяд төгрөгөөр өссөн үзүүлэлт гарган ажилттай ажиллаж байна.
Түүнчлэн Авлигатай тэмцэх газар нь авлигын гэмт хэргийг илрүүлэх үйл ажиллагааг олон улсын түвшинд хүргэхийн тулд хөрөнгө буцаах чиглэлд онцгой анхааран ажиллалаа. Тодруулбал, төрийн өмчит үйлдвэрийн газрын удирдах албан тушаалтан нийтийн албан тушаал хашиж байхдаа бусдаас их хэмжээний хахуулийг оффшор бүсээр дамжуулан авч, улмаар Их Британи, Умард Ирландын Нэгдсэн Хаант Улсын нийслэл Лондон хотын төвд байршилтай 1,172,372 фунт стерлинг буюу 4,374,312,050 төгрөгөөр үнэлэгдэх 4 өрөө, 110 мкв талбайтай үл хөдлөх хөрөнгийг өөрийн нэгдмэл сонирхолтой этгээдийн Бүгд Найрамдах Латви Улс дахь банкны дансаар дамжуулан авсан байсныг “Mutual legal assistance” буюу эрх зүйн харилцан туслалцаа үзүүлэх хүсэлтийг илгээж, хэрэгт ач холбогдолтой мэдээллийг гаргуулан авч, санхүүгийн мөрдөн шалгах ажиллагаа явуулан нийт 12.2 сая ам. долларын хөрөнгийг амжилттай буцаан авчирлаа.
Монгол Улс гадаад харилцааны хамтын ажиллагааг өргөжүүлэх чиглэлээр гадаад улсын 8 мэргэжлийн байгууллагатай Харилцан ойлголцлын санамж бичиг байгуулсан бөгөөд 2022 онд Румын Улсын Авлигатай тэмцэх үндэсний газар болон Олон улсын хөгжлийн эрх зүйн байгууллагатай тус санамж бичгийг байгуулсан байна.
Авлигын эсрэг Конвенцийг үр дүнтэй хэрэгжүүлэх үйлсэд Монгол Улсын төрөөс онцгой анхаарч байгаа бөгөөд авлигатай тэмцэх энэхүү үйл хэрэгт олон улсын хамтын ажиллагаа, мэргэжлийн байгууллагуудын дэмжлэг туслалцаа чухлыг тэмдэглэх ялдамд дэлхийн улс орнууд өөр хоорондоо нягт хамтран ажиллахыг уриалж байна.
Та бүхэнд Нэгдсэн Үндэсний Байгууллагын Авлигын эсрэг Конвенц батлагдсаны 20 жилийн ойн баярын мэнд хүргэе.
НЭГДСЭН НЭГ САНАА ЗОРИЛГЫН ДООР,
ДЭЛХИЙ НИЙТЭЭРЭЭ АВЛИГЫН ЭСРЭГ НЭГДЬЕ
МОНГОЛ УЛСЫН АВЛИГАТАЙ ТЭМЦЭХ ГАЗАР
Шударга ёс, хөгжил дэвшилд
Мэдээлэл технологийн эрин зуунд хөл нийлүүлэн алхаж буй мэдлэгтэй, мэдээлэлтэй, үнэт зүйлтэй, хөгжих тэмүүлэлтэй ЭРДЭНЭТ хотын иргэн таньд энэ өдрийн мэндийг хүргэе!
Орхон аймгийн эдийн засаг, нийгмийн асуудлыг бие даан зохион байгуулах ардчилсан, шударга ёс, эрх чөлөө, тэгш байдлийн илэрхийлэл болсон аймгийн иргэдийн Төлөөлөгчдийн хурал, түүний веб сайтаар зочилж өөрт хэрэгтэй мэдээ, мэдээллээ цаг алдалгүй авна гэдэгт бид итгэлтэй байна. Иргэд та бүгдийг төрд төлөөлөх Төлөөлөгчдийн үйл ажиллагаа, орон нутагт хэрэгжих төсөл хөтөлбөр, бүтээн байгуулалтанд иргэн таны үзэл бодол, санал шүүмжлэл үнэтэй хувь нэмэр оруулна гэдэгт итгэлтэй байна.
Улс орны хөгжлийн түүчээ, сайн засаглалын загвар ЭРДЭНЭТ хотын түүхэн замналыг амжилт, ололтоор үргэлжлүүлэх, ирэх он жилүүдийн өнгийг тодорхойлох үйлсэд миний бие хүчин зүтгэж, иргэд та бүхэнтэйгээ хамтдаа хөгжицгөөе! ЭРДЭНЭТ хүний төлөө хүчээ нэгтгэе!
ЭРДЭНЭТ ХҮН, ЭРДЭНЭТ ХОТ, ЭРДЭНЭТ ХҮЧ
Орхон аймгийн иргэдийн Төлөөлөгчдийн Хурлын дарга Д.Мөнхбат
Greetings to you, a citizen of ERDENET City, who has knowledge, information, values and aspiration for the development, going align with the age of information technology! We are confident that you will get the news and information you need without delay by visiting the website of the Citizens' Representative Meeting of the province, which is an expression of democracy, justice and equality. Your opinions and comments will make a valuable contribution to the activities of the representatives that will represent you in the state, the projects and programs to be implemented in the local area, investments, and constructions. we are all working with our knowledge, experience, and hard work for our hometown, to create a healthy and safe environment for our citizens to live and to work. As a result of our policy, we continue to strengthen our previous success and introduce more advinced technologies. Let the representatives and work offices wo* hard for the right for grh Election of citizens' Representative Meeting to continue the historical path 6f Erdenet city with successes and achievements, and to determine the colors of coming years ani let,s develop together. Let's join forces for citizens of Erdenet!
ERDENET PEOPLE, ERDENET CITY, ERDENET POWER
Chief of Citizens' Representative Meeting of Orkhon province D.Munkhbat