ЦАУЗБСК

Өнөөдөр улс төрийн хилс хэрэгт хэлмэгдэгсдийн дурсгалыг хүндэтгэх өдөр. Улс төрийн хилс хэрэгт хэлмэгдэгсдийг санан дурсах, тэдний гэгээн дурсгалыг хүндэтгэх арга хэмжээний хүрээнд Орхон аймгийн иргэдийн Төлөөлөгчдийн Хурлын дарга, аймгийн Цагаатгах ажлыг удирдан зохион байгуулах салбар комиссын дарга П.Пүрэвлхагва хэлмэгдэгсэд, тэдний ар гэр, үр хүүхэд, ач зээ нарын төлөөллийг хүлээн авч уулзан, хүндэтгэл үзүүллээ.

Улс төрийн хилс хэрэгт хэлмэгдэгсдийн дурсгалыг хүндэтгэх өдөр жил бүрийн 09 дүгээр сарын 10-ны өдөр болдог билээ.

УЛС ТӨРИЙН ХИЛС ХЭРЭГТ ХЭЛМЭГДЭГЧДИЙГ ЦАГААТГАХ, ТЭДЭНД НӨХӨХ ОЛГОВОР ОЛГОХ ТУХАЙ ХУУЛЬД НЭМЭЛТ, ӨӨРЧЛӨЛТ ОРУУЛАХ ТУХАЙ

Улс төрийн хэлмэгдэгсэдийг санан дурсах, тэдний гэгээн дурсгалыг хүндэтгэх 80 дахь жилийн арга хэмжээний хүрээнд 2017 оны 09 сарын 10-ны 10 цагт хүндэтгэлийн цуглааныг зохион байгуулж, Монгол улсын Ерөнхий сайд агсан А.Амарын хөшөөнд цэцэг өргөх хүндэтгэлийн ёслол боллоо.

Улс төрийн хилс хэрэгт хэлмэгдэгсэдийн дурсгалыг хүндэтгэх өдрийг угтан аймгийн ЦАУЗБСК-оос “Улс төрийн хэлмэгдүүлэлтийн үр дагавар, сургамж” онол практикийн бага хурлыг 2017 оны 09 сарын 08-ий өдрийн 15 цагт Нутгийн удирдлагын ордоны хурлын танхимд зохион явууллаа.

Аймгийн Цагаатгах ажлыг удирдан зохион байгуулах салбар комисс нь Цагаатгах ажлыг удирдан зохион байгуулах улсын комиссын 1991 оны 4 дүгээр тогтоолоор байгуулагдаж 1930, 1940-1950-иад оны эхэн үед Улс төрийн хилс хэрэгт татагдаж хэлмэгдсэн хүмүүсийн асуудлыг үргэлжлүүлэн судалж цагаатгуулах ажлыг Цагаатгах ажлыг удирдан зохион байгуулах улсын комиссын удирдлагын дор аймаг, орон нутгийнхаа хэмжээнд зохион байгуулж байна.

Тус салбар комисс нь ажлаа улирлын хуваарьтайгаар жилээр төлөвлөж оны эхэнд комиссын хурлаараа хэлэлцэн баталж, төлөвлөгөө, хариуцсан ажлын чиглэлээр комиссын гишүүдээ мэдээллээр хангаж, комиссын хурлаа шаардлагатай үед хуралдуулж холбогдох асуудлыг шийдвэрлэж ажиллаж байна.

2016 оны 09 дүгээр сарын 10-нд Улс төрийн хилс хэрэгт хэлмэгдэгсдийн дурсгалыг хүндэтгэх өдрийг тэмдэглэж Орхон аймгийн ИТХ болон Цагаатгах ажлыг удирдан зохион байгуулах салбар комиссоос Цэргийн штабтай хамтран уламжлалт арга хэмжээнүүдийг зохион байгууллаа.